Rusiyadan Venesuelaya buğda tədarükünün bərpası bu il baş tuta bilər- ÖZƏL

"Rusiya bu il Venesuelaya taxıl tədarükü ilə bağlı sazişin imzalanacağını gözləyir".

Olaylar.az xəbər verir ki, bu sözləri Rusiyanın Venesueladakı səfiri Sergey Melik-Baqdasarov deyib. O, Moskvada Rusiyadan Venesuelaya buğda tədarükünün bərpası məsələsinin müzakirə olunacağına diqqət çəkib. Məlik-Bağdasarov qeyd edib ki, "Bununla bağlı hər iki tərəfdən təşəbbüs var". Onun sözlərinə görə, danışıqlar prosesində kifayət qədər müxtəlif iştirakçılar iştirak edir. 

Rusiya 2017-ci ildə Venesuelaya buğda tədarük etməyə başlayıb. Ölkənin Rusiya Federasiyasındakı səfiri Karlos Faria hesab edib ki, taxılla bağlı sazişlərin həyata keçirilməsi Rusiya-Venesuela əməkdaşlığının gücləndirilməsi və iqtisadi müharibəyə zərbə demək ola bilər.