Makronu Şimali Koreya lideri Kim Çen İnə bənzədiblər- ÖZƏL

Fransa prezidenti Emmanuel Makronun lazım gələrsə sosial mediaya girişin bloklana biləcəyi ilə bağlı açıqlaması reaksiyalara səbəb olub.

Olaylar.az xəbər verir ki, "Boyun əyməz Fransa" partiyasının Parlament Qrupunun sədr müavini Mathilde Panot öz Twitter səhifəsində Makronun açıqlamaları ilə bağlı xəbəri sitat gətirib və Fransa prezidentini Şimali Koreya lideri Kim Çen Inlə müqayisə edib.

Fransız deputat Olivier Marleix: "Sosial media şəbəkələrinə girişi kəsin? Çin, İran, Şimali Koreya kimi?" O, Makronun bu açıqlamaları ilə diqqəti yayındırmaq istədiyini iddia edib.

Sosial media platformalarında yazılan şərhlərdə də Makrona reaksiya verilib.

Tvitterdə çoxlu sayda izləyicisi olan istifadəçilərdən biri "Makron hər şeyə qərar vermək istəyir, amma heç nəyə görə məsuliyyət daşımaq istəmir. Məncə, o, vəzifəsinin mahiyyətini o qədər də yaxşı başa düşmür" ifadəsini işlədib.

Başqa bir istifadəçi isə "Makron idarəetməni tamamilə itirib. Fransa Rusiya üçün qazdığı çuxura düşüb"  şərhini verib.

Başqa bir istifadəçi isə "Mən Çinə bilet alırdım, amma bizdə diktatura olarkən niyə gedirəm"  qiymətləndirməsini edib. 

Makronun sosial media senzurasının bu partlayışı ölkə mətbuatında ən çox danışılan mövzulardan biri olub.