"Almaniyanın hər il 1,5 milyon mühacirə ehtiyacı var"- ÖZƏL

Olaylar.az xəbər verir ki, Almaniya hökumətinin İqtisadi Ekspertlər Şurasının rəhbəri və Münhendəki Lüdviq-Maksimilyan Universitetinin müəllimi Monika Şnitser bildirib ki, Almaniyanın ixtisaslı işçi çatışmazlığını aradan qaldırmaq üçün ildə 1,5 milyon immiqrasiyaya ehtiyacı var.

Monika Şnitser, Süddeutsche Zeitung-a verdiyi açıqlamada, yeni bacarıqlı əmək qanununu doğru istiqamətdə atılan bir addım olaraq xarakterizə edərək,  "Məsələn, immiqrantları ruhdan salmamalı, hər iş üçün əcnəbi mütəxəssislərdən almanca danışmağı tələb etməməliyik. Bunun əvəzinə əcnəbilər ofisinin əməkdaşlarının ingiliscə danışmasını təmin etməliyik" fikrini bölüşüb.

Şnitser, "Almaniyanın hər il 400.000 yeni ixtisaslı işçi qüvvəsinə sahib olması üçün ildə 1,5 milyon mühacirə ehtiyacı var" deyib.  Almaniyanın təcili olaraq "qarşılama mədəniyyətinə" ehtiyacı olduğuna diqqət çəkən Şnitser, "Təcili olaraq qonaqpərvər bir mədəniyyətə ehtiyacımız var. Əgər Intel (ABŞ şirkəti) Maqdeburqda bir fabrik qurarsa və xarici ixtisaslı işçiləri cəlb etmək istəyirsə, orada xoş qarşılanmalıdırlar" deyib.  Qızların və qadınların texniki məsələlərə daha yaxından bələd olmasını istəyən Şnitser, "Çünki riyaziyyat, hesablama, təbiət elmləri və texnologiya peşələrində ixtisaslı kadr çatışmazlığı var. Araşdırmalar göstərdiyi kimi, iş məmnuniyyəti, işçilərin saxlanmasında əhəmiyyətli bir faktordur" qiymətləndirilməsini edib.