Kanada vətəndaşlarına XƏBƏRDARLIQ ETDİ

Kanada da vətəndaşlarına Fransaya səfərlə bağlı xəbərdarlıq edib.

Olaylar.az Axar.az-a istinadən xəbər verir ki, Kanada hökuməti Fransaya səyahət edərkən çox ehtiyatlı olmalarını tövsiyə edib.

"Nümayişçilərlə polis arasında vandalizm, yandırma və şiddətli toqquşmalar var. Bəzi hallarda təhlükəsizlik qüvvələri kütləni dağıtmaq üçün gözyaşardıcı qazdan istifadə edir", - hökumətin xəbərdarlığında bildirilib.

Qeyd edək ki, iyunun 27-də səhər saatlarında polis əməkdaşları Nanterdə yolda yoxlama zamanı 17 yaşlı yeniyetməni güllələyiblər. Bunun ardınca Fransanın bir sıra şəhərində iğtişaşlar başlayıb.