“Putin danışıqlara hazırdır” – Peskovdan MÜHÜM AÇIQLAMA

"Rusiya lideri Vladimir Putin Ukrayna ilə danışıqlara hazırdır".

Olaylar.az Sfera.az-a istinadən bildirir ki, bunu Rusiya Federasiyası Prezidentinin mətbuat katibi Dmitri Peskov deyib.

"Prezident Putin Ukrayna üzrə dialoqa və təmaslara açıqdır", - Kremlin sözçüsü söyləyib. Bununla belə, o qeyd edib ki, hazırda Ukrayna ilə bağlı danışıqlar üçün sabit zəmin yoxdur.

Qeyd edək ki, bundan əvvəl Almaniya kansleri Olaf Şolz Putinlə birbaşa danışıqların tərəfdarı olduğunu söyləmişdi.