Astananı tüstü buludları cənginə aldı - VİDEO

Qazaxıstan paytaxtında günəş işığı nəhəng qalın tüstü buludları ilə örtülür.

Olaylar.az axar.az-a istinadən xəbər verir ki, bu barədə Astananın Fövqəladə Hallar Departamenti məlumat yayıb.

Bildirilib ki, Astananın ətraf qəsəbələrində baş verən yanğından tünd sarı tüstü paytaxtı cənginə alıb.

"Hazırda yanğınsöndürənlər ilkin olaraq 15 hektar meşə sahəsində yanğının söndürülməsi üçün çalışırlar. Yanğının söndürülməsi güclü külək, bataqlıq və giriş-çıxış yollarının olmaması səbəbindən çətinləşib", - məlumatda qeyd olunub.

Yanğının söndürülməsinə 140 canlı qüvvə və 21 texnika, 8 su maşını və 10 digər texnika cəlb olunub.