Blinkenin Səudiyyə səfəri çərçivəsində Putinin vəliəhdə müəmmalı zəngi - ÖZƏL

Birləşmiş Ştatların dövlət katibi Antoni Blinkenin Səudiyyə Ərəbistanına səfəri çərçivəsində Rusiya prezidenti Vladimir Putinin Səudiyyə vəliəhdi şahzadə Məhəmməd Bin Salmana telefon zəngi olub. "OLAYLAR" CNNTürk-ə istinadən bildirir ki, Rusiya prezidenti Vladimir Putin və səudiyyəli vəliəhd arasında baş tutan telefon danışığı zamanı hər iki tərəf qeyri-OPEC çərçivəsində əməkdaşlıq səviyyəsini müzakirə edib.

Danışıqlarda neft ixracı və neftə olan tələbat, eləcə də balansın qorunması üçün vaxtında və effektiv addımlar atmağın zəruriliyi qeyd edilib.

Qeyri-rəsmi mənbələrin xəbərinə görə, Kreml rəhbəri səudiyyəli vəliəhddən Amerika ilə Rusiya arasında vasitəçilik etmək xahişində bulunub.