Avstraliya nasist simvollarına qadağa tətbiq edəcək- ÖZƏL

Olaylar.az xəbər verir ki,  Avstraliya ifrat sağçı qruplara təzyiq göstərmək məqsədilə nasist simvollarına qadağa tətbiq edəcəyini açıqlayıb. Svastika və ya SS simvollarının açıq nümayişi bir ilə qədər həbslə cəzalandırılır. Hökumət deyir ki, nasist simvolları artıq bir çox ştatlarda qadağandır, lakin bu qərar onlara heç bir yerdə icazə verilməyəcəyini bildirir. Bu addım ölkədə son aylarda ifrat sağçı fəaliyyətlərin yenidən canlanmasından sonra atılıb. Mart ayında bir qrup neonasist Melburnda keçirilən mitinqdə meydana çıxıb və Viktoriya parlamentinin pilləkənlərində nasist salamı verib. Baş prokuror Mark Dreyfus yeni qanunu açıqlayarkən deyibki, "Avstraliyada Holokostun dəhşətlərini tərənnüm edən simvollara yer yoxdur. Biz daha insanların nasistləri və onların şər ideologiyasını tərənnüm edən əşyaların nümayişindən və satışından qazanc əldə etməsinə icazə verməyəcəyik". Qadağa bayraqların, qolbaqların, köynəklərin, nişanların ticarəti və ictimaiyyətə nümayişini və nasist ideologiyasını dəstəkləyən simvolların internetdə yerləşdirilməsini əhatə edir. Bununla belə, nasist svastikası və SS simvollarının akademik, təhsil, bədii, ədəbi, publisistik və ya elmi məqsədlər üçün açıq nümayişinə icazə veriləcək.