Türkiyə NK-nın yeni tərkibdə ilk iclası oldu

Türkiyə Prezidenti Rəcəb Tayyib Ərdoğanın sədrliyi ilə Nazirlər Kabinetinin yeni tərkibdə ilk iclası keçirilib.

Olaylar.az axar.az-a istinadən xəbər verir ki, iclas 4 saat 10 dəqiqə davam edib.

İclasdan sonra Ərdoğan açıqlamalar verib.

Dövlət başçısı bildirib ki, 28 may prezident seçkisində Cümhur İttifaqı ilə birgə bütün Türkiyə qələbə çaldı:

"Siyasi seçimin nə olmasından asılı olmayaraq, 85 milyonun hər biri fərdi qazandı. Seçkilər olar, bitər. Bunlar demokratiyanın normalarıdır. Böhran həvəskaları, terrorçu rəhbərlərdən başqa məğlub olan yoxdur".