Çindən Tayvan mesajı: Biz güc tətbiqini istisna etməyəcəyik- ÖZƏL

Olaylar.az xəbər verir ki, Çinin müdafiə naziri Li Şanqfu bəyan edib ki, suverenlik mübahisəsi olan Tayvanla birləşmək üçün "gücdən istifadəni istisna etməyəcəklər". Nazir Li Asiya-Sakit Okean regionunun ən mühüm təhlükəsizlik forumu olan Şanqri-La Dialoqunda iştirak etmək üçün gəldiyi Sinqapurda həmkarı Ng Eng Hen ilə görüşüb. Çin Müdafiə Nazirliyinin sözçüsü Tan Kıfeyin görüşdən sonra Sinqapurda mətbuata verdiyi açıqlamaya görə, Li, Çinin Tayvan ilə sülh birliyinə tərəfdar olduğunu, lakin güc tətbiqini istisna etməyəcəklərini vurğuladı. 

Li, Tayvandakı Demokratik Tərəqqi Partiyasının (DPP) hakimiyyətinin müstəqillik üçün digər ölkələrdən dəstək almasının qəbuledilməz olduğu mesajını verdi.

Çinin öz ərazisinin bir hissəsi kimi müdafiə etdiyi Tayvan 1949-cu ildən Çin Xalq Respublikasının yarandığı vaxtdan de-fakto müstəqillik əldə edib. Çin və Tayvan arasında vətəndaş müharibəsindən sonra yaranan ayrılıq hələ də davam edir."Biz səmimi şəkildə sülh yolu ilə birləşmə üçün əlimizdən gələni edəcəyik. Bununla belə, biz heç vaxt Tayvanın müstəqilliyi üçün kənardan dəstək axtaran DPP hakimiyyətinə və Tayvanı Çini mühasirəyə almaq üçün istifadə edən xarici güclərə dözməyəcəyik və güc tətbiqini istisna edəcəyimizə heç vaxt söz verməyəcəyik".