Moskvaya dron hücumuna REAKSİYA

Ağ Ev Moskva və Moskva vilayətinə pilotsuz təyyarələrin hücumu ilə bağlı məlumatlardan xəbərdardırdır, təfərrüatı öyrənir, Rusiya daxilində hücumları təşviq etmir.

Olaylar.az axar.az-a istinadən xəbər verir ki, bu barədə ABŞ Milli Təhlükəsizlik Şurasının məlumatında deyilir.

"Biz xəbərləri gördük və hələ də baş verənlərlə bağlı məlumat toplayırıq. Ümumiyyətlə, biz Rusiya daxilində hücumları dəstəkləmirik", - bəyanatda deyilir.

Qeyd edək ki, bu gün səhər saatlarında Moskvaya dron hücumları olub. Rusiya rəsmiləri hücumun Ukrayna tərəfindən həyata keçirildiyini iddia edib.