İsveçdə PKK-dan parlament binası ilə bağlı təbliğat-

Olaylar.az xəbər verir ki, İsveçin paytaxtı Stokholmda terror təşkilatı PKK/YPG tərəfdarları təşkilatı simvolizə edən parçalarla çəkdikləri video ilə prezident Rəcəb Tayyib Ərdoğanla  isveçliləri hədəf alan başqa bir video ilə birlikdə sosial mediada paylaşdı.  İsveçlə əlaqəli sosial media hesablarında təşkilatı simvolizə edən parçanın binanın divarına proyeksiya edildiyi görüntüləri paylaşan terror təşkilatı PKK/YPG tərəfdarları prezident Ərdoğan və İsveçin baş naziri Ulf Kristerssonu videoda istifadə etdikləri ifadələr və şəkillərlə təhrik ediblər. Kristersson və Billströmə qarşı təhqirlərin yer aldığı videoda prezident Ərdoğanın afişasının yandırılması görüntüləri də yer alıb. Sözügedən videoların yer aldığı paylaşımda terror təşkilatı PKK/YPG tərəfdarlarının İsveçdə iyunun 1-də qüvvəyə minəcək yeni terror cəza qanununa etirazlarını Stokholmun Norra Bantorget meydanında keçirəcəkləri bildirilib. 

Ölkədə terror təşkilatlarına üzv olmanın cinayət hesab edilməsini nəzərdə tutan qanun layihəsində terror fəaliyyətlərində iştirak edən və terror təşkilatları ilə əməkdaşlıq edən şəxslər 4 ilə qədər həbs cəzası alacaq. 

Ağırlaşdırıcı səbəblər varsa, bu cinayətlərə görə cəza minimum 2, maksimum 8 il həbs olacaq. Silah, sursat, yanar və partlayıcı materiallar, nəqliyyat dəstəyi, torpaq və əmlakın terror təşkilatına icarəyə verilməsi kimi cinayətlərdə iştirak edənlərə 4 ilə qədər həbs cəzası verilə bilər. Qanun layihəsi hakimiyyət orqanlarına terror təşkilatlarını maliyyələşdirən və ya başqa yolla dəstək verən insanları həbs etmək və mühakimə etmək üçün daha geniş səlahiyyətlər verir.