"Qaqarin" ordeni TƏSİS EDİLDİ

Rusiya Prezidenti Vladimir Putin Rusiyada yeni bir mükafat - planetin ilk kosmonavtı "Yuri Qaqarin" adına ordeni təsis edib.

Olaylar.az axar.az-a istinadən xəbər verir ki, bu barədə hökumətin rəsmi internet portalında məlumat verilib.

Məlumata görə, orden kosmonavtikada xidmətlərinə görə veriləcək. Mükafat bu sahədə alimlərin, mühəndislərin və digər mütəxəssislərin hazırlanmasında, raket-kosmik texnikanın inkişafı, istehsalı, sınağı və qəzasız istismarında, yeni texnologiyaların yaradılması və tətbiqində, tədqiqatların aparılmasında əldə olunan nailiyyətlərə görə təqdim olunacaq.