"İran mülki gəmiləri “üzən terror bazalarına” çevirir"- ÖZƏL

Olaylar.az xəbər verir ki, İsrailin müdafiə naziri Yoav Gallant bəyan edib ki, İran mülki gəmiləri "üzən terror bazalarına" çevirib. Gallant, İsrail Reyxsman Universitetinin Siyasət və Strategiya İnstitutunun (IPS) təşkil etdiyi "Herzliya 2023" konfransında "Qeyri-müəyyənlik dövründə baxış və strategiya" başlığı altında çıxış edib. Müdafiə naziri Gallant, "İran mülki ticarət gəmilərini hərbi gəmilərə çevirir. Pilotsuz uçuş aparatları, raketlər, hücum sistemləri və qabaqcıl kəşfiyyat da daxil olmaqla hər cür silahı daşımaq üçün nəzərdə tutulan bu gəmilər onlarla, bəzən yüz minlərlə insana çatır. İran bununla da bu gəmiləri İran sərhədlərindən uzaq ərazilərdə yerləşdirir.  Gallant bu gəmilərdən birinin Ədən körfəzinə doğru üzdüyünün bu yaxınlarda qeydə alındığını və bunun İranın Fars körfəzi və Ərəbistan dənizində həyata keçirdiyi dəniz terrorunun bir hissəsi olduğunu bildirib.  

İranın nüvə proqramı haqqında da danışan Gallant  deyib:

"İran nüvə proqramının ən qabaqcıl mərhələsindədir və nüvə silahı ilə bütün dünyanı ciddi strateji təhlükə ilə üz-üzə qoyur. İsrail və Yaxın Şərqdəki digər ölkələr üçün isə potensial ekzistensial təhlükədir. Uranın 90%-ə qədər zənginləşdirilməsi İran üçün böyük səhvdir. Çünki, İran rejimi bilir ki, bunun çox bahasına başa gələcək və Yaxın Şərq üçün dəhşətli nəticələr olacaq".