Britaniya ən təsirli "həkim" aksiyasına hazırlaşır- ÖZƏL

Olaylar.az xəbər verir ki, Böyük Britaniyada ümumi praktikantlar hökumətlə əmək haqqı mübahisəsinə görə 4 günlük tətilə başlayırlar. Tətilin Milli Səhiyyə sisteminə böyük mənfi təsir göstərəcəyi gözlənilir. Britaniya Tibb Assosiasiyasının (BMA) üzvlərinin də qatılacağı və bu gün yerli vaxtla səhər saat 7-də başlayacaq tətilə görə dörddə bir milyondan çox adamın görüşlərinin və əməliyyatlarının ləğv ediləcəyi gözlənilir. Bəzi xəstəxanalar planlaşdırılan müalicələrin yarısına qədərinin təsir edə biləcəyini bildirir. BMA, həyati təhlükəsi olan bir vəziyyətdə həkimlərin xidmət göstərəcəyini açıqladı. Maaşların yetərli olmaması və xəstələrin təhlükəsizliyini təmin etmək üçün tətilə çıxan həkimlər, mövcud maaş səviyyələrinin işə qəbula təsir etdiyini və bir çox həkimin bu səbəbdən peşəsini tərk etdiyini vurğulayırlar. Səhiyyə naziri Steve Barclay isə təşkilatçıları tələbin artdığı bir vaxtda Pasxa bayramından dərhal sonra tətil planlaşdırmaqda ittiham edib. Maaş danışıqlarına diqqət çəkən Barclay, maaşların 35 faiz artırılması tələbinin ağıllı olmadığını bildirib.