Yunus Oğuz Türkiyədə zəlzələdən zərərçəkənlərə yardım etdi- ÖZƏL

Türkiyənin Kahramanmaraş bölgəsində baş verən və 10 əyalətdə təsirini göstərən zəlzələdən sonra Azərbaycanda qardaş ölkəmizə yardım toplanılmasına başlanılıb. 
Olaylar.az xəbər verir ki, yardımın içində pul ianələri, pal-paltar və digər zəruri ləvazimatlar var. 
Azərbaycanın müxtəlif bölgələrindən ayrı-ayrı vətəndaşlar, ziyalılar, vətəndaş cəmiyyəti üzvləri qardaş ölkədə zəlzələdən zərər çəkmiş vətəndaşlara dəstək məqsədilə yardım göndəriblər.
Eyni zamanda, Ziraat Bank-da dəstək məqsədilə hesab açılıb.

Yazıçı-publisist Yunus Oğuz da qardaş ölkəyə yardım məqsədilə maddi vəsait köçürüb. 
Xatırladaq ki, fevralın 6-da Kahramanmaraşda baş verən zəlzələ nəticəsində ölənlərin sayı 3432 nəfərə çatıb.