Qırğızıstan və Tacikistan müşahidə kameraları haqqında qərara gəliblər

Olaylar.az xəbər verir ki, Qırğızıstan Milli Təhlükəsizlik Dövlət Komitəsinin rəhbəri Kamçıbek Taşiyev və onun tacikistanlı həmkarı Saimumin Yatimov münaqişə vəziyyətlərinin daha çox yarandığı sərhəd hissələrində videomüşahidə kameralarının quraşdırılması haqqında  razılığa gəliblər. İki Orta Asiya respublikasının xüsusi xidmət orqanlarının rəhbərləri tərəfindən dünən imzalanan protokolun bəndlərindən biri kameraların quraşdırılması haqqındadır.  Sənədə əsasən, tərəflər qoşunların və ağır hərbi texnikanın sərhədyanı rayonlardan daimi dislokasiya yerlərinə çıxarılmasını davam etdirəcəklər.