2 milyon dollarlıq sənət əsəri oğurlanıb

Olaylar.az xəbər verir ki, Nyu-York polisi Bruklindəki Roma Katolik kilsəsindən 2 milyon dollar oğurlanmasını araşdırmağa başlayıb. Kilsədən 18 karat qızıldan hazırlanmış antik sənət əsəri və mələk başı oğurlanıb.

Bruklin Yeparxiyasının məlumatına görə, 18 karatlıq xalis qızıldan hazırlanmış qədim sənət əsəri 1890-cı illərə aiddir.
Oğrular Park Slopesdəki Müqəddəs Avqustin Roma Katolik Kilsəsinə girərək artefaktı qoruyan metal anbarı kəsiblər.

Hadisəni törədənlər təhlükəsizlik görüntülərini götürüb qaçıblar. Ehtimal olunur ki, oğrular giriş qapısından çıxıblar.

Səlahiyyətlilər iqamətgahın yanındakı mələk heykəlinin də başının kəsildiyini bildiriblər.