Otelə silahlı hücum: 11 ölü

Olaylar.az xəbər verir ki,  Meksikanın şimalında otelə silahlı hücum nəticəsində 11 nəfər ölüb, 4 nəfər yaralanıb.

Bu barədə Meksika mətbuatında verilən məlumatda bildirilib.

Səlahiyyətlilər, hücum edənlərin daha sonra oteli yandırdıqlarını və bitişik iki barı da yandırdıqlarını açıqladılar.

Hadisə yerinə gələn yanğınsöndürənlər yanğına müdaxilə edərkən, sağlamlıq qrupları yaralıları xəstəxanaya çatdırıb.

Bölgəyə çoxlu sayda təhlükəsizlik qüvvələri də göndərilib.

Hücumun mütəşəkkil cinayətkar təşkilatların qarşıdurması nəticəsində baş verdiyi bildirilir.