Pilotsuz təyyarələr bu ölkədə rusiyalı hərbçilərə hücum etdilər

Həm Suriya hökumət qüvvələrinin, həm də onları dəstəkləyən Rusiya silahlı qüvvələrinin Həmadakı və İdlibdəki hərbi bazaları gecə iki dəfə pilotsuz uçuş aparatlarının (PUA) hücumunu dəf edib.

Olaylar.az  oxu.az-a istinadən xəbər verir ki, Hava Hücumundan Müdafiə sistemlərinin videosu "Al-Masdar News" tərəfindən yayımlanıb.

Nəşrin yazdığına görə, gecə lentə alınan videoda Rusiyanın Suriyaya təhvil verdiyi "Pantsir-C1" raket-top kompleksi (ZRPK) əks olunub. Bildirilir ki, onların köməyilə Suriya qoşunları Həma əyalətindəki aviabazaya zərbələrini dəf edib.

Bundan bir neçə saat sonra İdlib əyalətindəki bir aviabazaya da PUA-hücumu baş verib. Rusiya Hava Hücumundan Müdafiə qüvvələri təhlükəsiz məsafədən hədəfi endirməyə müvəffəq olub, nəticədə, heç kim zərər görməyib.