Türkman dağı savaşı başlayır: Son damla qana qədər…

Əsəd rejimi və dəstəkçiləri Suriyanın Latakiya mahalı ərazisindəki gərginliyi azaltma bölgəsi sərhədləri daxilində yerləşən Türkman dağına hücuma hazırlaşır.

Bu barədə "Anadolu" agentliyi suriyalı müxaliflərə yaxın mənbələrə istinadən informasiya yayıb.

Məlumata görə, rejim qüvvələri bölgədə kəşfiyyat fəaliyyətini artırıb, müxaliflərin mövqelərinin müəyyən edilməsi üçün ərazi top atəşinə tutulub. Bundan əlavə, Əsədin bölgəyə çox sayda əlavə qüvvə cəlb etdiyi qeyd olunur.

Qeyd edək ki, Türkman dağında məskunlaşan müxaliflər də dağın müdafiəsi üçün son damla qanlarına qədər vuruşacaqlarını açıqlayıblar.

Axar.az