Nigeriyada terrorçular məscidə hücum edib, 8 nəfər ölüb, 7 nəfər yaralanıb

Nigeriyanın şimal-şərqində yerləşən Borno əyalətində "Boko Haram" terrorçu qruplaşmasının məscidə bombalı hücumu nəticəsində 8 nəfər ölüb, 7 nəfər ağır yaralanıb.

Bunu Borno əyaləti Mülki Müdafiə Qüvvələrinin rəisi İbrahim Liman bildirib.

Onun sözlərinə görə, hücum əyalətin Konduga rayonundakı məscidə olunub.

Qeyd edək ki, "Boko Haram" 2000-ci illərin əvvəlindən fəaliyyət göstərir. 2009-cu ildən bəri bu terrorçu qruplaşmanın törətdiyi kütləvi qanlı hadisələr nəticəsində 20 minə yaxın insan ölüb. 

"Report"