Heydər Əliyevin anadan olmasının 91 illiyi münasibətilə gül bayramı keçirilib

Binəqədi rayonunda  Ümummilli lider Heydər Əliyevin anadan olmasının 91-ci ildönümü münasibətilə gül bayramı keçirilmişdir. Bayram tədbirində təbii güllər və çiçəklərdən hazırlanmış, ölkənin və rayonun sosial-iqtisadi inkişafını simvolizə edən kompozisiyalar nümayiş etdirilmişdir. İqtisadiyyat, gənclər, idman, turizm, təhsil, ordu, səhiyyə, mədəniyyət, neft sənayesi kimi ölkə həyatının müxtəlif sahələrini əks etdirən, eləcə də Azərbaycan diasporasını və əzəli yurd yerimiz olan Qarabağı, Şuşa qalasını təcəssüm etdirən tər çiçəklərdən quraşdırılmış kompozisiyalar öz orijinallığı ilə seçilirdi. Bu kompozisiyaların hazırlanmasında 100 mindən çox təbii gül və çiçəkdən istifadə olunmuşdur.

Axşam Heydər Əliyev adına istirahət parkında reallaşdırılan konsertdə xaricdən dəvət olunmuş incəsənət ustaları-neonlu davul çalanlar-qeyri-adi konsert proqramı ilə çıxış etmişlər. Geniş rayon ictimaiyyətinin iştirakı ilə keçirilən konsert proqramının gedişində "91" adlı fləşmob keçirilmişdir. Fləşmobda rayon sakinləri tərəfindən Ulu Öndərin anadan olmasının 91 illiyi münasibətilə 91 ədəd uçan fənər havaya buraxılmışdır. Sonda Müslüm Maqomayevin Azərbaycan kompozisiyasının sədaları altında qeyri-adi atəşfəşanlıq nümayiş etdirildi.   OLAYLAR