Binəqədidə rayon birinciliyi keçirilib
Bakı Atıcılıq Mərkəzində Binəqədi Rayon İcra Hakimiyyəti, YAP Binəqədi rayon təşkilatı və Gənclər və İdman İdarəsinin birgə təşkilatçılığı ilə Stend Atıcılığı üzrə gənclərin rayon birinciliyi keçirilib. "OLAYLAR"-ın xəbərinə görə, Stend Atıcılığı üzrə rayon birinciliyinin keçirilməsində məqsəd gəncləri Bakı Atıcılıq Mərkəzi ilə tanış etmək, onlarla aparılan vətənpərvərlik və vətəndaşlıq tərbiyəsi sahəsində işlərin səmərəsini artırmaqdır. Stend atıcılığı sahəsində 5 komanda tərkibində ümumilikdə 25 gənc idmanın səngər stend atıcılığı növü üzrə yarışıblar. Binəqədi rayon rəhbərliyi, millət vəkilləri və gənclər təşkilatlarının rəsmiləri yarışı izləyiblər. Qeyd edək ki, Stend atıcılığı sahəsində idmanın dairəvi və səngər stend atıcılığı növü üzrə yarışlar və məşqlər keçirilir. Burada biri final yarışları üçün nəzərdə tutulmaqla 5 atış meydançası var. Bu meydançalarda səngər və dairəvi atış hərəkətləri üçün ümumilikdə 85 hədəftullayıcı avadanlıq quraşdırılıb.Yarışın nəticəsinə əsasən ilk 3 yeri tutan qalib komandalar xatirə medalları və kubokla mükafatlandırılıblar.