Binəqədidə uşaqlar üçünYeni il şənliyi keçirilib

Binəqədi rayonunda uşaqlar üçün Yeni il şənliyi keçirilib. Rayon İcra Hakimiyyətindən "OLAYLAR"-a verilən məlumata görə, Binəqədi qəsəbəsi Mərkəzi Mədəniyyət Evində gerçəkləşən tədbirdə Binəqədi Rayon İcra Hakimiyyəti başçısının müavini Aygün Əliyeva, RİH başçısı Aparatının məsul işçiləri, rayon ərazisində yerləşən məktəbəqədər təhsil müəssisələrinin uşaqları iştirak ediblər. Tədbirdə Azərbaycan Dövlət Akademik Milli Dram Teatrı aktyor truppasının ifasında uşaqların böyük maraq və sevinclə qarşıladığı "Tıx-tıx xanımın nağılı" səhnələşdirilib. Tədbirin sonunda uşaqlara yeni il hədiyyələri təqdim olunub.