Xarici siyasət
Daşkənddə Heydər Əliyevin xatirəsi yad edildi
Daşkənddəki Azərbaycan Milli Mədəniyyət Mərkəzi ulu öndər Heydər Əliyevin 95 illiyi ilə bağlı mərasim keçirib. Tədbirin əvvəlində ümummilli lider Heydər Əliyevin həyat və fəaliyyətini əks etdirən kitab və fotoşəkillərdən ibarət sərgi nümayiş olunub. Mərkəzin sədri Firdovsi Hüseynov Ulu Öndərin həyat və fəaliyyəti haqqında iştirakçılara ətraflı məlumat verib. Qeyd edib ki, xaricdəki diasporun təşkilatlanması, Bakıda dünya azərbaycanlılarının qurultaylarının keçirilməsi ideyası məhz ulu öndər Heydər Əliyevə məxsusdur.
Pensilvaniya ştatında Azərbaycan Günü
Pensilvaniya ştatının qubernatoru Tom Vulf Azərbaycan Demokratik Respublikasının 100-cü ildönümü ilə əlaqədar olaraq təbrik məktubu ünvanlamışdır. Olaylar.az bildirir ki, məktubda qeyd olunur ki, 1918-ci il 28 may tarixində Müsəlman Şərqində ilk dünyəvi parlamentli respublika olan Azərbaycan Demokratik Respublikasının qurulmuş və dünyanın digər demokratik dövlətləri, o cümlədən ABŞ tərəfindən tanınmışdır. Müstəqillik dövründən bəri Azərbaycan regionun mayakı olaraq irqi, cinsi və ya etnik mənsubiyyətindən asılı olmayaraq hamı üçün bərabərlik hüququnu tanımış və Qafqaz regionunda ABŞ-ın müttəfiqi və strateji tərəfdaşıdır.
Fransızların Laçın şəhəri ilə imzaladığı qanunsuz xartiya ləğv edildi
Azərbaycan Fransa XİN-i işğal olunmuş ərazilərə qeyri-qanuni səfərlərlə bağlı sərt addımlar atmağa çağırıb. Bunu XİN-nin mətbuat xidmətinin rəhbəri Hikmət Hacıyev bildirib. H.Hacıyev deyib ki, Fransada fəaliyyət göstərən erməni lobbi dairələri 2013-cü ildən etibarən Azərbaycanın işğal altında olan şəhərləri ilə Fransanın şəhər və qəsəbələri arasında “qardaşlıq” adı altında qeyri-qanuni sənədlər imzalamağa və bu kimi addımları qondarma rejimin təbliği üçün istifadə etməyə çalışır: "Azərbaycan Respublikası Xarici İşlər Nazirliyi və Fransadakı səfirliyimizin Fransanın müvafiq qurumları ilə apardığı birgə işin nəticəsində İl-dö-Frans regionun Alfortvil şəhəri tərəfindən ölkəmizin işğal olunmuş Laçın şəhəri ilə 2017-ci ildə imzalanmış qeyri-qanuni “xartiya” ləğv edilib (“la Charte d’amitié entre Alfortville et Berdzor”).
Hikmət Hacıyev: "Sarkisyan rejiminin ünsürü olan Balayan yeni siyasi hakimiyyətdə vəzifə üçün ekstra fəallıq göstərməyə çalışır"
"Əvvəllər səsi çıxmayan və Sarkisyan rejiminin ünsürü olan bu şəxs Ermənistandakı yeni siyasi hakimiyyətdə vəzifə tapmaq üçün yəqin ki, ekstra fəallıq göstərməyə çalışır. Hələ də fərqində deyil ki, onun qulluq etdiyi Sarkisyan rejiminin siyasəti, o cümlədən Azərbaycana qarşı təcavüz və işğalın davam etməsi Ermənistanın bugünkü böhranının əsas səbəbidir. Yeni Ermənistan hakimiyyəti əvvəlki rejimin siyasətini davan etdirəcəksə, yəqin ki, onları da eyni aqibət gözləyir".
Stavropoldakı qəhrəman həmyerlilərimizin xatirəsi anılıb
Rusiyanın Stavropol diyarının Pyatiqorsk şəhərində fəaliyyət göstərən “Araz” Azərbaycan Cəmiyyətinin təşkilatçılığı ilə İkinci Dünya Müharibəsi zamanı qəhrəmanlıqla həlak olmuş həmyerlilərimizin xatirəsi anılıb. “OLAYLAR”-a Diasporla İş üzrə Dövlət Komitəsindən daxil olan məlumata görə, təşkilatın sədri Qurban Əsədov və üzvləri əvvəlcə Stavropol diyarınının Novoselovski rayonunda yerləşən Dolinovka kəndinə gedərək burada yaşamış İsmayıl Bayramovun xatirəsini yad ediblər. İsmayıl Bayramov müharibədə göstərdiyi qəhrəmanlığı görə Sovet İttifaqı Qəhrəmanı adını alıb. Ailə üzvləri və qohumlarının hazırda yaşadığı Dolinovka kəndinin məktəbi İsmayıl Bayramovun adını daşıyır və məktəbin həyətində onun abidəsi ucalır. Hər il İsmayıl Bayramovun xatirəsinə rayon üzrə spartakiada keçirilir. Azərbaycan diasporunun üzvləri Dolinovka kəndinin rəhbərliyi görüşərək Bayram İsmayılovun heykəlinin bərpası məsələsini müzakirə ediblər. Qərara alınıb ki, cəmiyyət bu məqsədlə kənd rəhbərliyinə maliyyə yardımı ayırsın.
Serbiyada Avropa Olimpiya Komitəsinin İcraiyyə Komitəsinin iclası keçirilir
Avropa Olimpiya Komitəsinin (AOK) İcraiyyə Komitəsininın iclası və 39-cu seminarı işinə başlayıb. “OLAYLAR”-a Milli Olimpiya Komitəsinin mətbuat xidmətindən bildirilib ki, tədbirdə Azərbaycan nümayəndə heyətini AOK-un İcraiyyə Komitəsinin üzvü, Milli Olimpiya Komitəsinin (MOK) vitse-prezidenti Çingiz Hüseynzadə, MOK-un baş katibin müavini Azər Əliyev, Beynəlxalq Əlaqələr İdarəsinin rəisi Anar Bağırov və Marketinq İdarəsinin direktoru Mehman Kərimov təmsil edirlər.
ABŞ-dakı diaspor təşkilatı ABŞ-ın Helsinki Komissiyasının açıqlaması ilə bağlı bəyanat yayıb
Azərbaycan-ABŞ Mədəniyyət Mərkəzi ABŞ-ın Helsinki Komissiyasının Azərbaycanda keçirilmiş Prezident seçkiləri ilə əlaqədar açıqlaması ilə bağlı bəyanat yayıb. DİDK-dən “OLAYLAR”-a bildirilib ki, bəyanat ABŞ Konqresinə göndərilib. Bəyanatda Komsisiyanın Azərbaycanla bağlı açıqlamasının regionda təhlükəsizliyə təhdid yaratdığı qeyd edilib. Bildirilib ki, digər ölkələrlə müqayisədə, Azərbaycanda siyasi məhbus yoxdur, Azərbaycan vətəndaşlarının 70 faizdən çoxu internet istifadəçisidir və Azərbaycanda internet azaddır.
Ümummilli lider Heydər Əliyevin xatirəsi Meksikada anıldı
Azərbaycanın Mexikodakı Səfirliyində Ümummilli lider Heydər Əliyevin anadan olmasının 95-ci ildönümü ilə bağlı təşkil edilmiş tədbirdə Meksikada Azərbaycan və Meksika icmasının üzvləri iştirak ediblər. Səfirlikdən Olaylar.az –a bildirilib ki, tədbirdə Səfirliyimizin müvəqqəti işlər vəkili Məmməd Talıbov çıxış edərək Ümummilli lider Heydər Əliyevin Azərbaycan xalqı və dövləti qarşısında misilsiz xidmətlərindən danışıb, onun müasir Azərbaycanın banisi olduğunu, ölkə tarixində müstəsna rolunu qeyd edərək Vətənimizi xaos və böhrandan qurtararaq qısa vaxt ərzində qabaqcıl və nüfuzlu ölkəyə çevrilməsinə nail olduğunu bildirib.
Donald Ramsfeldə Heydər Əliyev adına fəxri ödülü təqdim edildi
ABŞ paytaxtında yerləşən məşhur və möhtəşəm diplomatik tədbirlərin keçirilməsi ilə tanınmış Meridian Beynəlxalq Mərkəzində Ümummilli lider Heydər Əliyevin anadan olmasının 95-ci ildönümü ile əlaqədar tədbir keçirilib. Səfirlikdən Olaylar.az – a bildirilib ki, çoxsaylı qonaqların, o cümlədən ABŞ Dövlət, Müdafiə departamentləri, Konqres və Ağ Ev, akademik dairələr, diplomatik korpus və ictimaiyyət nümayəndələrinin iştirak etdiyi tədbirdə ABŞ-ın tanınmış dövlət xadimi, iki dəfə müdafiə katibi və digər dövlət vəzifələrində çalışmış Donald Ramsfeldə Azərbaycan-ABŞ strateji tərəfdaşlığa müstəsna töhfələrinə görə Heydər Əliyev adına 2018-ci ilin fəxri ödülü təqdim edilmişdir.
Nyu Meksika ştatında 28 may “Azərbaycan Milli Günü” elan edildi
ABŞ-ın Nyu Meksika ştatının paytaxtı Santa Fe şəhəri 28 may 2018-ci il tarixini “Azərbaycan Milli Günü” elan edib. Bununla bağlı şəhər meri Alan Veber (Alan M. Webber) tərəfindən müvafiq bəyannamə imzalanıb. Olaylar.az bildirir ki, Azərbaycanın Los Ancelesdəki Baş Konsulluğuna göndərilmiş bəyannamədə Azərbaycan xalqının müsəlman dünyasında ilk dünyəvi və demokratik respublika yaratdığı, həmin respublikanın qısa müddətdə böyük sayda mütərəqqi islahatlara imza atdığı, nəinki müsəlman dünyasında ilk dəfə, eləcə də dövrün bir sıra qabaqcıl dövlətlərindən də öncə qadınlara səsvermə hüququ verdiyi vurğulanır. Həmçinin bu respublikanın ABŞ və digər demokratik dövlətlər tərəfindən tanındığı qeyd olunur.
.jpg)
Los Ancelesdə Azərbaycan haqında kitab nəşr edildi
Azərbaycan həqiqətlərinin ABŞ ictimaiyyətinə daha geniş şəkildə çatdırılması məqsədilə Azərbaycanın Los Ancelesdəki Baş Konsulluğu tərəfindən ABŞ-da ingilis dilində Azərbaycan haqda kitab nəşr etdirilib. Olaylar.az bildirir ki, nəfis tərtibatda nəşr edilmiş, 120 səhifədən ibarət olan və “Azerbaijan – Everlasting Heritage, Inspirational Harmony” (Azərbaycan – Əbədi Miras, Ruhlandırıcı Harmoniya) adlı kitabda Azərbaycanın coğrafiyası, təbii sərvətləri, qədim tarixi, zəngin mədəniyyəti və incəsənəti, güclü etnik və dini tolerantlıq ənənələri, dövlət quruluşu və xarici siyasəti, sürətli iqtisadi inkişafı, turizm potensialı, ADA Universiteti, “ASAN Xidmət” və digər maraq kəsb edən mövzular barədə geniş məlumatlar öz əksini tapıb. Bakı şəhərinin və ölkəmizin müxtəlif gözəl guşələrinin rəngarəng şəkilləri kitabın müxtəlif bölmələrini bəzəyir.
ABŞ-ın Meyn ştatında 28 May Azərbaycan Günü elan edildi
Amerikanın Meyn ştatının ən böyük şəhəri və Kamberlend dairəsinin inzibati mərkəzi olan Portlend şəhərinin meri Etan Strimlinq (Ethan Strimling) Azərbaycan Demokratik Respublikasının 100-cü ildönümü ilə əlaqədar olaraq rəsmi bəyanat verib. Olaylar.az bildirir ki, bəyanatda 1918-ci il 28 may tarixində Müsəlman Şərqində ilk dünyəvi parlamentli respublika olan Azərbaycan Demokratik Respublikasının qurulması və dünyanın digər demokratik dövlətləri, o cümlədən ABŞ tərəfindən tanınması qeyd olunur. Sənəddə bildirilir ki, Azərbaycan Demokratik Respublikası müstəqilliyinin qısa müddət ərzində irqi, cinsi, etnik və ya dini mənsubiyyətindən asılı olmayaraq bütün vətəndaşlara bərabər seçki hüququnu tanımaqla yanaşı müsəlman dünyasında ilk dəfə olaraq qadınlara seçki hüququnun verilməsini təmin etmişdir.
Qubernator Azərbaycan Demokratik Respublikasının 100 illiyi ilə əlaqədar təbrik bəyannaməsi imzaladı
ABŞ-ın Nevada ştatının qubernatoru Brayan Sandoval (Brian Sandoval) Azərbaycan Demokratik Respublikasının 100 illiyi ilə əlaqədar təbrik bəyannaməsi imzalayıb. Olaylar.az bildirir ki, Azərbaycanın Los Ancelesdəki Baş Konsulluğuna göndərilmiş təbrik bəyannaməsində qubernator bu tarixi yubiley münasibətilə Nevada ştatı adından Azərbaycanı təbrik edir və ən xoş arzularını çatdırır.
Kaliforniya universitetində Azərbaycana dair mühazirə
Baş konsul: Azərbaycan dünyanın ən mühüm nəqliyyat qovşaqlarından birinə çevriləcək Azərbaycanın Los Ancelesdəki baş konsulu Nəsimi Ağayev Kaliforniya ştatının San Dieqo Dövlət Universitetinin dəvətilə həmin universitetdə keçirilən elmi konfransda Azərbaycana dair geniş mühazirə ilə çıxış edib. Olaylar.az bildirir ki, universitetin İnformasiya Birliyi və Strategiyası Mərkəzinin keçirdiyi və tanınmış şirkətlərin və mütəxəssislərin iştirak etdiyi konfransda ticarət, təhlükəsizlik, səhiyyə, ətraf mühit və yükdək texnologiyalar üzrə müzakirələr aparılıb.N.Ağayev, ilk öncə Azərbaycanın müstəqillik tarixindən bəhs edərək, ölkəmizin müsəlman dünyasında ilk dünyəvi respublika yaradaraq, qadınlara ABŞ-dan da öncə səsvermə hüququ verən ölkə kimi tarixə düşdüyünü bildirib.