Zərif: "Çox yaxın zamanda İran, Türkiyə və Azərbaycan olaraq İranda görüşəcəyik"

Türkiyədə səfərdə olan İran xarici işlər naziri Məhəmməd Cavad  Zərif  prezident Rəcəb Tayyip Ərdoğanla görüşdən əvvəl həmkarı Mövlud Çavuşoğlu ilə Dolmabahçe Sarayında jurnalistlərin suallarını cavablandırıb.

Olaylar.az  Türkiyə KİV-nə istinadən xəbər verir ki, R.T. Ərdoğan və Cavad Zərif  Türkiyə-İran-Azərbaycan üçtərəfli mexanizmi, pandemiya səbəbindən təxirə salınan mövzuları müzakirə edəcəklər.

Zərif Türkiyə ilə  münasibətlərin önəmli olduğunu vurğulayıb.

"İki ölkə həmişə çətin anlarda bir-birlərinin yanında olublar. Cənab Ərdoğanın İrana gəlməsini gözləyirik, həm strateji tərəfdaşlığımızı, həm də üçtərəfli zirvəmizi keçirəcəyik. Çox yaxın zamanda  İran, Türkiyə və Azərbaycan olaraq İranda  görüşəcəyik" - deyə o, qeyd edib.

Gülər Seymurqızı

Olaylar.az