Şimpanzelər də insanlar kimi söhbət edir- ÖZƏL

Olaylar.az "Current Biology" jurnalında dərc olunan yeni bir araşdırmanın nəticələrinə görə xəbər verir ki, vəhşi şimpanzelər də insanlar kimi söhbət edirlər. Onların növbə ilə danışdıqları və vaxtaşırı bir-birlərinin sözünü kəsdikləri müəyyən edilib.

Araşdırma nəticəsində məlum olub ki, vəhşi şimpanze insanlar kimi tez, növbə ilə danışır.

Buna uyğun olaraq, vəhşi şimpanzelər məlumat mübadiləsi apararkən "sürətli dönüşlər" edir və arabir bir-birinin sözünü kəsirlər.

Araşdırma qrupundan St. Andrews Universitetinin professoru Cat Hobaiter, vəhşi şimpanzelərin nitqinin insanlarla dərin təkamül oxşarlığına malik olduğuna diqqət çəkib.

Professor Hobaiter, söhbətlərdə sürətli dönüşün insan dialoqunun fərqli xüsusiyyəti olduğuna diqqət çəkərək, insanların 200 millisaniyəlik, şimpanzelərin isə bir qədər uzun fasilələrlə danışdıqlarını ifadə edib.

Hobaiter qeyd edib ki, vəhşi şimpanze insanlarla oxşar şəkildə ünsiyyət qurur, söhbətlərdə növbələşir, bir-birinin sözünü kəsir, jest və mimikadan istifadə edir.