Anamı gözleyirem...Həm də bütün varlığımla...
NİGAR İSFƏNDİYAR
Men çox uşaqken Anamdan küsmüşdüm. Anamdan ve Allahdan Allah Anamın balalarını almışdı, Anam da men balasını sevmeyi unutmuşdu. Xatırlayanda ise men artıq yanında deyildim
Çox uzun iller Anaların balalarını sevme formasına hesedle baxdım. "Menim qızım bu yemeyi sevir" deyen Anaların qızlarının yerinde olmaq istedim...
Müharibe menim günahım deyildi, heç Anamın da deyildi amma men Anama ve Allaha küsmüşdüm. Çox yaxın dostlarım bilir, uzun iller inancımı içime gömüb zülüm çekdim
Uğur dizini yere atıb evimizde namaz qılana qeder...
Onda ürekden ağlamışdım ve mene çatmışdı ki, insan en sevdiyine küsermiş...
Barışdımmı? Allahla he. Çünki doğmalarım ona emanetdi. Anamla ise... Bilmirem. Menim gözel Anamın derdi böyüyüydü, mense gözünün içine baxıb orda özümü axtarırdım...
Sevgi dilendim adamlardan. Qarşıma, rastıma çıxan her adam mene Anam kimi baxsın istedim. Saçlarım gözüme tökülürdü, emimin yoldaşı yığmaq isteyirdi, men de yaxına buraxmırdım. Anam görsün, Anam oxşasın, Anam yığsın saçlarımı... Olmadı. Saçım böyüdü, men böyümedim. Anamın "alagözlüm" oxuduğu o yaşda qaldım. Çünki Anam o mahnını mene oxuyurdu, tekce mene!
Qeribedi, uşaqlardan sonra evde üç qardaşım bir bacım var amma Anamın dırnağına daş deyende üzünü mene tutar. Heç kim onu hekime apara bilmez, heç kim ona bir cüt corab bele ala bilmez. Onu ancaq men eleye bilerem, her şeyin en yaxşısını men ala bilerem ona. Biz ana-balanın arasında hem müharibe boyda bir uçurum, hem dehşetli bir bağlılıq var. Men dünyanın bütün derdlerinden Ona sığınıram, var, ordadı, çatladığım anda sesi gelecek. Amma bayaq elimi qeyri-ixtiyari telefona atıb nömresini yığmaq isteyende çatdı ki, Anam o telefonun başında deyil. O zengin o terefinde o yoxdu. Telefonu bizim evde, masanın üstünde onu gözleyir...
Sehheti yaxşıdı, yaxşı olacaq! Çünki men gözleyirem onu. Hem de bütün varlığımla...
Demem o ki, o aldığınız nefes var ha, eslinde sizin bütün heyatınızdı. Doğmalarınız, sevdiklerinizdi. Yaşaya ve yaşada bilmediyiniz her şeydi. Nolar, qoruyun özünüzü Sevdiklerinizin xetrine