Meliorasiya və Su Təsərrüfatı ASC-nin sədri vətəndaşları qəbul edib

Meliorasiya və Su Təsərrüfatı ASC-nin sədri vətəndaşları qəbul edib.

Meliorasiya və Su Təsərrüfatı ASC-nin sədri Əhməd Əhmədzadə Bərdə şəhərində Bərdə, Yevlax, Ağdam, Tərtər rayonlarının sakinlərini fərdi qaydada qəbul edib. "OLAYLAR"-a Səhmdar Cəmiyyətdən verilən məlumata görə. qəbuldan əvvəl Azərbaycan Meliorasiya və Su Təsərrüfatı ASC-nin sədri Əhməd Əhmədzadə və Bərdə Rayon İcra Hakimiyyətinin başçısı Vidadi İsayev ümummilli lider Heydər Əliyevin abidəsini ziyarət edib, abidə önünə gül dəstələri düzərək Ulu Öndərin əziz xatirəsinə ehtiramlarını bildiriblər.

Bərdə Suvarma Sistemləri İdarəsinin inzibati binasında keçirilən qəbulda Bərdə, Yevlax, Ağdam, Tərtər rayonlarının olan 38 vətəndaşın müraciət və şikayətlərinə baxılıb. Müraciətlər əsasən suvarma suyundan əziyyət çəkən fermerlərin su təchizatının yaxşılaşdırılması, işə qəbul və digər məsələlərlə bağlı olub.

Qəbulda hər bir vətəndaşın müraciətini dinləyən Azərbaycan Meliorasiya və Su Təsərrüfatı ASC-nin sədri şikayətlərin qısa müddətdə araşdırılaraq zəruri tədbirlərin görülməsi barədə qəbulda

iştirak edən aidiyyəti məsul işçilərinə müvafiq tapşırıqlar verib. Vətəndaşlar tərəfindən qaldırılan məsələlərin bir qismi yerində həll olunub, araşdırılmasına ehtiyac olan müraciətlər nəzarətə götürülüb.