ŞƏT sammiti Avropa İttifaqının təcridini üzə çıxardı - ÖZƏL

Çində, Tiencin şəhərində keçirilən Şanxay Əməkdaşlıq Təşkilatının (ŞƏT) sammiti Avropa İttifaqının təcridini açıq şəkildə göstərdi. Olaylar.az xəbər verir ki, bu fikri iqtisadçı, İtaliyanın keçmiş iqtisadi inkişaf nazirinin müavini Mikele Ceraci TASS-a müsahibəsində bildirib. Onun sözlərinə görə, sammitin nəticələri gözləniləndən daha müsbət olub və Avropa mediasının "təcrid olunmuş Rusiya" barədə iddialarını təkzib edib: "Putinin Çinə səfəri və Szi Cinpin, həmçinin Hindistanın baş naziri Narendra Modi ilə görüşlərinin yayılan görüntüləri tam əksini sübut edir. Təcrid olunan Rusiya deyil, məhz Aİ-dir. Avropa İttifaqı hətta öz müttəfiqi olan ABŞ-dan da təcrid vəziyyətindədir," - deyə Ceraci qeyd edib. Xatırladaq ki, ŞƏT sammiti 31 avqust - 1 sentyabr tarixlərində baş tutub. Tədbirdə 20-dən çox ölkənin liderləri və 10 beynəlxalq təşkilatın nümayəndələri iştirak edib. Sammitin yekununda əməkdaşlığa dair 15 yeni sənəd imzalanıb.