BQXK Bakı ofisini bağlayır - bu tarixdə

Beynəlxalq Qızıl Xaç Komitəsinin (BQXK) Bakı ofisi sentyabrın 3-dən etibarən fəaliyyətini dayandıracaq.

Olaylar.az xəbər verir ki, bu barədə məlumatı BQXK-nın Ermənistandakı nümayəndəliyinin rəhbəri Dafne Mare jurnalistlərə açıqlayıb.

Onun sözlərinə görə, ofisin bağlanmasına baxmayaraq, təşkilat Azərbaycan rəhbərliyi ilə əməkdaşlığı davam etdirəcək.

D.Mare həmçinin xatırladıb ki, İrəvan və Bakı arasında müzakirə olunan sülh müqaviləsinin mətnində itkin düşən şəxslərin taleyinin araşdırılması üçün beynəlxalq qurumlarla əməkdaşlıq vacib şərt kimi göstərilib. Qızıl Xaç isə neytral qurum olaraq bu istiqamətdə öz xidmətlərini təqdim etməyə hazırdır.