Suriyada hələ də sabitliyi təhdid edən ciddi problemlər qalmaqdadır- ÖZƏL
"Suriyada hakimiyyət dəyişikliyinin reallaşmasına baxmayraq hələ də sabitliyi təhdid edən ciddi problemlər qalmaqdadır. İsrail dəstəkli Druzlarla nisbi sakitlik olsa da fikir ayrılıqları qalmaqda davam edir, ölkədə yeni qurulan mərkəzi hakimiyyətə tabe olmayıb xarici dairələrdən aldıqları təlimatlar çərçivəsində hərəkət edən qruplaşmalar öz təsir gücünü qoruyub saxlayır və paralel olaraq da məzhəbsəl gərginlik ən üst səviyyədədir. Bu faktorların hər biri özlüyündə davamlı istiqrara əngəl törədən məqamlardır. Lakin bunlardan daha təhlükəlisi zənnimcə xarici güclərin ölkənin daxili işlərinə müdaxilə imkanlarının genişliyidir. Mövcud situasiya illərdir Suriya xalqının başı üzərində Damokl qılıncı kimi qalmaqdadır. İndiki şəraitdə Suriyada sabitliyin bərqərar olmasında maraqlı olan az sayda dövlət önə çıxır. Bunlar Azərbaycan - Türkiyə və Qətər əmirliyidir". Olaylar" xəbər verir ki, bunu siyasi şərhçi Pərviz Mirizadə deyib: "Cənab Prezident İlham Əliyevin "Əl Ərəbiyyə" televiziya kanalına müsahibəsi zamanı Suriya mövzusundakı fikirləri Bakının Yaxın Şərq strategiyasındakı xəttləri aydınlaşdırır.Təbii ki, Suriyadakı proseslərin mərkəzində yer alan dövlətlərdən biri kimi qardaş Türkiyənin rolu və funksiyası olduqca əhəmiyyətlidir. Türkiyə yüksələn gücdür və həmin mövqeyə malik dövlətlər təhlükəsizliyini məhz ölkə sərhədlərindən kənarda formalaşdırmağa çalışırlar. Bu səbəbdən Ərdoğan administrasiyası Suriya mövzusunda çox həssasdır. Suriyada fəaliyyət göstərən militarist qruplaşmalar, terror ünsürləri Ankaranın sərhəd təhlükəsizliyinə və sabitliyinə təhdid yaradır. Baxmayaq ki, PKK - nın tərk-silah edilməsi prosesi rəsmən başlamışdır, ancaq terror qruplaşmasının Suriya qanadı eyni yanaşmanı nümayiş etdirmir. Xarici işlər naziri Hakan Fidanın məlum qruplara qarşı hərbi əməliyyat tezisini yenidən gündəmə gətirməsi məsələnin ciddiyətinin göstəricisidir. Burada məsələ təkcə qruplaşmaların lider kadrosundan qaynaqlanmır. Bu qüvvələrin ipi məhz böyük ölçüdə Qərbin əlində tutulub. Söhbət uzun müddət ABŞ, İsrail Fransa və digər güclərin silahlandırdığı, təlim keçib nizami ordu səviyyəsinə yüksəltdiyi minlərlə döyüşçüdən gedir. Əlbəttə bunlar Türkiyə üçün təhdid mənbəyidir və görünən odur ki, rəsmi Ankara bu təhdidi aradan qaldırmaqda qətiyyətlidir".