İlham Əliyevin qətiyyəli mövqeyi sayəsində Zəngəzur dəhlizinin (TRİPP) açılması rəsmiləşdi- ÖZƏL

"Prezident İlham Əliyevin "Əl-Ərəbiyyə" telekanalına müsahibəsində səsləndirdiyi fikirlər bölgədə baş verən proseslər və regionu gözləyən perspektivlərlə bağlı mühüm yol xəritəsi hesab edilir. Bu eyni zamanda bölgədəki prosesləri daha yaxşı dərk etmək baxımından da vacib önəmə malikdir. Azərbaycan lideri Ermənistanla sülh müqaviləsinin paraflanmasından tutmuş, regional və qlobal müstəvidə baş verənləri, bunun ölkəmizə təsirləri, eləcə də rəsmi Bakının tutduğu strateji xətti müsahibəsində aydın şəkildə çatdırıb". Olaylar xəbər verir ki, bunu Yeni Azərbaycan Partiyasının (YAP) Təftiş Komissiyasının sədri, Milli Məclisin deputatı Sevinc Hüseynova deyib:
"Prezident İlham Əliyev "Əl-Ərəbiyyə" telekanalına müsahibəsində Qərbi Zəngəzurun ermənilərə verilməsinin tarixinə bir daha nəzər salmasından bəhs etdi: "Ölkəmizin başçısı XX əsrin əvvəllərində baş vermiş siyasi konfiqurasiyalardla Azərbaycanın tarixi ərazilərindən biri kimi Qərbi Zəngəzurun ermənilərə güzəştə gedildiyini vurğulayıb. Bununla Azərbaycanın ayrılmaz hissəsi olan Naxçıvanla quru yolla bağlantı kəsilib. İkinci Qarabağ müharibəsindən sonra Azərbaycan digər məsələlər kimi Naxçıvana maneəsiz keçidlə bağlı da siyasi-diplomatik müstəvidə bir çox işlər görüb. Faktiki olaraq son 5 ildə - 2020-ci ildən etibarən Zəngəzur dəhlizinin açılması istiqamətində danışıqlar davam edib. Sadəcə olaraq Ermənistan tərəfi öhdəliyini yerinə yetirməmək üçün müxtəlif yollara əl atıb. Amma bütün bunlara baxmayaraq Prezident İlham Əliyevin qətiyyəli mövqeyi sayəsində nəhayət, Vaşinqton anlaşmasında Zəngəzur dəhlizinin açılması rəsmiləşdi. Çünki Zəngəzur dəhlizi təkcə Şərqlə Qərbi - Avropanı Asiya ilə deyil, Şimalla Cənubu - Rusiya və İranı da birləşdirir, Fars körfəsinə yeni çıxış imkanı yaradır".