Peskov Putinlə Əliyevin görüşü barədə suala cavab verməkdən yayındı
Olaylar.az xəbər verir ki, Kremlin mətbuat katibi Dmitri Peskov Rusiya Prezidenti Vladimir Putinlə Azərbaycan Prezidenti İlham Əliyevin yaxın günlərdə keçiriləcək Şanxay Əməkdaşlıq Təşkilatının (ŞƏT) sammitində görüşüb-görüşməyəcəkləri ilə bağlı suala aydın cavab verməyib.
Peskov bildirib ki, hazırda Putinin ikitərəfli görüşlərinin qrafiki üzərində iş gedir:
"Biz indi prezidentin ikitərəfli görüşlərinin qrafikini hazırlayırıq. Onu sammitin ümumi tədbirlər kontekstinə uyğunlaşdırmaq lazımdır. Əgər görüş planlaşdırılarsa, biz sizi məlumatlandıracağıq", - deyə Kremlin sözçüsü qeyd edib.
Xatırladaq ki, ŞƏT-in növbəti sammitində regional əməkdaşlıq və təhlükəsizlik məsələləri müzakirə olunacaq. Azərbaycan Prezidenti İlham Əliyevin də tədbirdə iştirakı gözlənilir.