Ermənistan Avrasiya İttifaqından çıxa bilər- ÖZƏL

"Ermənistan Baş naziri N. Paşinyan Avrasiya İttifaqının toplantısına qatılmayıb. Bu  Baş  nazirin məzuniyyətdə olduğu kimi əsaslandırılsa da, siyasi proseslər   Avrasiya İttifaqından çıxmağa hədəflənib. Çünki, Avrasiya İttifaqında qalmaq  Ermənistan üçün siyasi çətinliklər yarada bilər. Məhz  Rusiya ittifaq çərçivəsində Ermənistanla iqtisadi əlaqələrə görə Kreml təzyiq mexanizminini işə salacaq". "Olaylar" xəbər verir ki, bunu politoloq Məhəmməd Əsədullazadə deyib: " ABŞ -da Azərbaycanla sülh prosesinə keçilməsi, Zəngəzur dəhlizinin (Tramp  yolu) açılması ilə bağlı razılığın əldə edilməsi, həmçinin üçtərəfli Bəyannamə Ermənistan üçün yeni bir siyasi mərhələnin başlanğıcıdır. Artıq  Ermənistanın Rusiyadan   iqtisadi təsirini zəiflətmək üçün Türkiyə ilə sərhədlərin  açılması yaxın aylarda reallaşa bilər. Bununla Ermənistan Türkiyə vasitəsilə Avropa İttifaqı ilə iqtisadi əlaqələrini quracaq. Türkiyə Ermənistan iqtisadiyyatına investisiya yatıracaq. Ona görə də N. Paşinyan ölkəsinin  iqtisadi əlaqələrini Rusiya ilə deyil, Türkiyə və Avropa ilə inkişaf etdirməyi hədəfləyir. Bu da ölkəsinin müstəqilliyi deməkdir. N. Paşinyan seçkilərdə qələbə əldə edərsə, KTMT və Avrasiya İttifaqından çıxa bilər".