Xalq-iqtidar birliyi xarici siyasətimizin əsas amilləridir- ÖZƏL

"Güclü iqtisadiyyat, güclü ordu, daxili sabitlik, xalq-iqtidar birliyi xarici siyasətimizin əsas amilləridir". "Olaylar" xəbər verir ki, bunu millət vəkili Nurlan Həsənov deyib: "Çünki xarici siyasət daxili siyasətin davamıdır. Dövlət başçısı İlham Əliyev bu çağırışı edir ki, bundan sonra da xarici siyasətimiz çox aydın, açıq olacaq və bu gün dünya ictimaiyyəti siyasətimizi bəyənir və dəstəkləyir. Əgər belə olmasaydı, 155 ölkə bizi BMT Təhlükəsizlik Şurasına üzv seçməzdi. Əgər belə olmasaydı, 120 ölkə bizi Qoşulmama Hərəkatına sədr seçməzdi. Əgər belə olmasaydı, dünya birliyi COP29 Konfransının Azərbaycanda keçirilməsi ilə bağlı qərar qəbul etməzdi".