EkoAvrasiya nümayəndə heyəti işğaldan azad edilən ərazilərə səfər edəcək

Avrasiya İqtisadi Əlaqələr Dərnəyinin (EkoAvrasiya) nümayəndə heyəti Azərbaycanın erməni işğalından azad edilən ərazilərinə səfər etməyi nəzərdə tutub. Bu barədə məlumatı "OLAYLAR"-a EkoAvrasiya-nın İdarə Heyətinin sədri Hikmet Eren verib. O bildirib ki, əslində rəhbərlik etdiyi qurumun nümayəndə heyəti bir neçə dəfə azad edilən ərazilərə səfər etməyi planlaşdırıb: "Bu ilin iyun ayında, həmçinin sentyabr ayında Azərbaycanın işğaldan azad edilən ərazilərinə səfər etməyi nəzərdə tutmuşduq. Lakin bəzi texniki məsələlər səbəbindən səfərimizi ertələməyi qərara aldıq. İnşallah 2023-cü ildə bu səfəri həyata keçirəcəyik".

Qeyd edək ki, EkoAvrasiya nümayəndə heyətinin işğaldan azad edilən ərazilərəmizə səfərləri çərçivəsində Şuşa başda olmaqla bir sıra şəhər və rayonlarda olması gözlənilir.