Putin imperator 1-ci Pyotrun yubileyində iştirak edəcək –"Avropaya pəncərəni bağlamaq fikrində deyil”

"Rusiya Avropaya pəncərəni bağlamaq fikrində deyil".

Bunu Rusiya prezidentinin mətbuat katibi Dmitri Peskov jurnalistlərə bildirib.

Onun sözlərinə görə, iyunun 9-u I Pyotrun anadan olmasının 350-ci ildönümüdür və yubiley tədbirlərində prezident Putin də iştirak edəcək.

Brifinqdə jurnalistin imperatorun Avropaya pəncərə açdığı və Rusiya rəhbərliyinin indi bu pəncərəni bağlayıb-bağlamayacağı sualına cavab olaraq Peskov deyib: "Heç kim heç nəyi bağlamağı planlaşdırmır".

"Putin tarixin dərin bilicisidir", - Peskov əlavə edib. Daha əvvəl Putin özü də bildirmişdi ki, Rusiya özünü təcrid etmək fikrində deyil və qarşılıqlı fəaliyyətə hazır olan tərəfdaşlarla işləməyə davam edəcək.

Azpost.info