Qarabağ savaşı göstərdi ki, hay diasporu əvvəlki qədər güclü deyil -Deputat

"Ümid edirəm ki,  xaricdəki soydaşlarımız dövlət başçımızın çağırışına əməl edərək bölgəmizdəki reallığın yaşadıqları ölkələrdə olduğu kimi bilinməsi üçün  vaxt və enerjilərini əsirgəməyəcəklər". "Olaylar" xəbər verir ki, bunu deyən millət vəkili Sahib Alıyevin sözlərinə görə, İkinci Qarabağ savaşı göstərdi ki, hay diasporu bəlli səbəbdən daha yaxşı təşkilatlana, yerləşdikləri ölkələrin siyasi istebleşmentiylə çuğlasa, güc strukturlarıyla sıx əməkdaşlıq qura, biri-digərinin maraqlarının istifadəçisi və ifadəçisi ola bilər, amma artıq təsirləri əvvəlki qədər güclü deyil: "Çünki ayrı-ayrı ölkələrdəki diasporumuz həmən günlər özünün mütəşəkkil, ardıcıl və ləyaqətli, bəli,  xaricdəki soydaşlarımıza, Los-Anceles, Parisdəki diplomatik təmsilçiliklərimizə  basqılar edən, terrorla hədələyən haylardan fərqli olaraq ləyaqətli fəaliyyətilə  mümkün çərçivədə onların yalanlarının, təxribatlarının qarşısını ala bildi. Diaspor təmsilçilərimizə  postkonflikt dönəmində də eyni əzmlə  çalışmalarını arzulayıram".