"Prezidentin çıxışı gələcək fəaliyyətimizə mayakdır və yol xəritəsi hesab edilməlidir"
"Azərbaycan bu gün müzəffər xalqdır, siz artıq müzəffər xalqın nümayəndələrisiniz."Olaylar.az-a Prezident İlham Əliyevin Şuşa şəhərində Dünya Azərbaycanlılarının V Qurultayında səsləndiriyi bu fikirlərə bağlı munasibət bildirən millət vəkili Vüqar İskəndərov bildirib ki, baş tacımız olan Şuşada Dünya Azərbaycanlılarının V Qurultayının keçirilməsi Azərbaycanın müstəqillik dövründə şərəfli, şanlı tarixi hadisələrindən biri kimi qeyd edilməlidir:
" Bu gün dünyanın müxtəlif ölkələrində yaşayan azərbaycanlılar, soydaşlarımız, diaspora fəalları 65 ölkədən 400-ə yaxın olan azərbaycanlı mədəniyyət paytaxtımız olan Şuşaya toplaşıb və Azərbaycanın indiyə qədər keçdiyi yol -müharibə və postmüharibə dövründə yeritdiyi siyasəti müzakirə edəcək və gələcək fəaliyyətlərinə şərait yaradacaqlar. Tədbirdə Ali Baş Komandan, möhtərəm Cənab Prezidentin iştirak etməsi və dünya azərbaycanlılarımız qarşısındakı möhtəşəm çıxışı, həm də gələcək fəaliyyətlərimizə bir növ mayakdır və yol xəritəsi hesab edilməlidir. Bu gün Cənab Prezident çıxışında bir çox vacib məqamlara toxundu. Onların əsası, təşkilatlarımızın daha da çevik işləməsi, bir nöqtəyə vurması, yaşadıqları ölkələrdə təşkilatlanması, hədəflərin müəyyən edilməsi və ölkəmiz naminə gərgin çalışmalarıdır. Digər məsələ kimi Azərbaycan dilinin öyrənilməsi, təbliğ edilməsi, xaricdə məktəblərin açılması, bunun üçün dövlətin onların yanında olmasını qeyd etdi. Əsas məsələ postmüharibə dövründə yeni yaranmış reallıqlara uyğun hədəflərin seçilməsi və bununla bağlı işlərin görülməsidir. Belə ki, Qarabağ və Şərqi Zəngəzurda yenidənqurma- tikinti işləri, kəndlərin, şəhərlərin salınması, infrastrukturun qurulması, bunlarda həm iştirak, həm də beynəlxalq aləmdə təbliğ olunması üçün diaspora fəaliyyəti çox vacibdir. Bunu Cənab Prezident iştirakçıların hər birinin diqqətinə çatdırdı: "Azərbaycan bu gün müzəffər xalqdır. Siz artıq müzəffər xalqın nümayəndələrisiniz. Şərəflə yaşayacaqsınız və müstəqil Azərbaycan sizin vətəninizdir. Dövlət həmişə sizin yanınızdadır. Siz də dövlətimizin hərtərəfli inkişafı üçün yaşadığınız ölkələrdə var gücünüzlə çalışmalı öz tövhələrinizı vərməlisiniz"