Azərbaycanlı deputatlar Estoniyanın iqtisadiyyat və kommunikasiya naziri ilə görüşüblər

Estoniyada səfərdə olan Azərbaycan parlament nümayəndə heyətinin üzvləri, millət vəkili Jalə Əhmədova və Azər Kərimli bu ölkənin iqtisadiyyat və kommunikasiya naziri Andres Sutt ilə görüşüblər.

"OLAYLAR"-ın xəbərinə görə, bu barədə məlumat verən millət vəkili Jalə Əhmədova deyib ki, görüş zamanı təhsil sahəsində informasiya-kommunikasiya texnologiyalarının tətbiqi, rəqəmsal iqtisadiyyat və rəqəmsal iqtisadiyyata daha çevik yanaşmanın mənimsənilməsi məsələləri müzakirə edilib:

"O cümlədən erməni işğalından azad edilmiş Qarabağda həyata keçirilən "ağıllı şəhər", "ağıllı kənd" və "yaşıl enerji" layihələri barədə məlumat verdik".