Mədəniyyət
6-cı Muğam Televiziya Müsabiqəsinin növbəti dinləmələr həftəsi başa çatdı
Heydər Əliyev Fondunun dəstəyi ilə, Azərbaycan Mədəniyyət Fondunun layihəsi əsasında Mədəniyyət və Turizm Nazirlıiyinin yaxından iştirakı Azərbaycan Televiziya təşkilatçılığı ilə 6 – cı Muğam Televiziya Müsabiqəsinin növbəti dinləmələr həftəsi Beynəlxalq Muğam Mərkəzində keçirildi. Dinləmələrin növbəti həftəsində Məhəmməd Hüseyn Şəhriyarın qəzəllərinə müraciət edildi. Mərkəzdən "Olaylar" - a bildirlib ki, münsiflər heyyətinin üzvləri Respublikanın Xalq artistləri Əlibaba Məmmədov,Arif Babayev,Səkinə İsmayılova, Mənsum İbrahimov, Azərbaycan Yazıçılar Birliyinin katibi İlqar Fəhmi, Azərbaycan Bəstəkarlar İttifaqının katibi, Əməkdar incəsənət xadimi Sərdar Fərəcov, Muğam Televiziya müsabiqəsinin iştirakçısı Əməkdar incəsənət xadimi Nadir Axundov iştirakcıların çıxışlarını 10 ballıq sistemə əsasən qiymətləndirdilər.
Emil Əzizin “Blooming” – in sərgisi
Mayın 20 – də Türkiyədə fəaliyyət göstərən rəssam Emil Əzizin Bakıda “Blooming” adlı fərdi sərgisi açılacaq. “Art BAHAR” festivalı çərçivəsində Port Baku Mall Qalereyasında təşkil olunacaq sərgidə rəssamın yeni əsərlər kolleksiyası təqdim olunacaq. "Blooming" ekspazisiyasının əsas ideyası - çiçəklənmə, təbiətin rennessansı, parlaq ləkələrlə ifadə olunmuş anlar üstünlük təşkil edir. Sərgi mayın 31 – dək davam edəcək.
.jpg)
Ağarəfi Rəhimovun xatirəsi anılacaq
Mayın 21 – də özünəməxsus ifa tərzi və koloritli yumor hissi ilə tamaşaçıların yaddaşında iz qoyan Musiqili Teatrının aktyoru Ağarəfi Rəhimovun 65 yaşı tamam olur. Qurumun Mətbuat katibi Samir Sədaqətoğlu “Olaylar” – a bildirib ki, bu münasibətlə teatrda mərhum aktyorun xatirəsi anılacaq. “Ağarəfi RəhimovAzərbaycan teatr sənətində məxsusi yeri, çəkisi olan aktyorlardan biri olub. Onun özünəməxsus ifa tərzini. Ağarəfi Rəhimov uzun müddət Azərbaycan Dövlət Musiqili Teatrında çalışıb, bir-birindən maraqlı obrazlara səhnə həyatı verib. Onun işıqlı xatirəsi qəlbimizdə daim yaşayacaq. ”, - deyə Dövlət Musiqili Teatrının Truppa müdiri, əməkdar mədəniyyət işçisi Vidadi Həsənov bildirib.
Azərbaycan musiqi ictimaiyyətinə böyük itki
Azərbaycan bəstəkarlıq məktəbinin tanınmış nümayəndələrindən biri, təcrübəli pedaqoq, gözəl və nəcib insan Ədviyyə Rəhmətova mayın 18-də 73 yaşında vəfat edib. İttifaqdan “Olaylar” – a bildirlib ki, Ədviyyə Rəhmətova 1944-cü il martın 30-da Bakıda dünyaya göz açıb. Müstəqil yaradıcılıq yoluna qədəm qoyan bəstəkar müxtəlif janrlara müraciət edərək özünəməxsus musiqi dili ilə seçilən maraqlı əsərlər
II Beynəlxalq “Türk dünyasının ortaq dili – naxışlar” simpoziumu
Mayın 22 - 24 - də Xalça Muzeyində "Ortaq qaynaqdan çeşidli yollar" mövzusunda II Beynəlxalq "Türk dünyasının ortaq dili - naxışlar" simpozium keçiriləcək. Simpozium Mədəniyyət və Turizm Nazirliyi, Yunus Emre İnstitutu Bakı Türk Mədəniyyət Mərkəzi və Xalça Muzeyinin təşkilatçılığı, Türkiyə Respublikasının Azərbaycandakı Səfirliyi, TÜRKPA (Türkdilli Ölkələrin Parlament Assambleyası), Türkiyə Respublikasının Azərbaycandakı Mədəniyyət və Tanıtma müşavirliyi, Türk Dünyası Fondu, "Z Company 2007", ATİB (Azərbayan Türkiyə İş Adamları Birliyi) və Azərbaycan Dillər Universitetinin dəstəyi ilə təşkil olunur. Səfirlikdən "Olaylar" - a bildirilib ki, simpoziumda Azərbaycan, ABŞ, Gürcüstan, İran, İtaliya, Qazaxıstan, Qırğızıstan, Özbəkistan, Rusiya, Serbiya, Türkiyə, Türkmənistan və Ukraynadan aparıcı tədqiqatçılar, kolleksiyaçılar, xalçaçı rəssamlar və bu sahə üzrə digər mütəxəssislər iştirak edəcəklər.
4 nömrəli uşaq musiqi məktəbinin hesabat konserti
Mədəniyyət və Turizm Baş İdarəsinin 4 nömrəli uşaq musiqi məktəbi Ümummilli Lider Heydər Əliyevin anadan olmasının 94-cü ildönümünə həsr olunmuş hesabat konserti təqdim edib. Baş İdarədən “Olaylar” – a bildirlib ki, konsert Üzeyir Hacıbəyli adına Bakı Musiqi Akademiyasında baş tutub. Konsertdə Mədəniyyət və Turizm Baş İdarəsinin rəisi Vuqar Zeynalov, Bakı şəhər uşaq musiqi və incəsənət məktəblərinin direktorları, məktəbin müəllim kollektivi və digər qonaqlar iştirak ediblər. İlk öncə Ümummilli Lider Heydər Əliyev haqqında hazırlanmış videoçarx nümayiş olunub.
.jpg)
“Brat Li” filminin imza günü
"Brat Li" bədii filminin imza günü keçirilib. Layihənin mətbuat katibi Fuad Mədətovun "Olaylar" - a verdiyi açıqlamasında bildirib ki, "CinemaPlus - 28 Mall"da təşkil olunan tədbir izdihamlı olub. Tədbirdə filmin baş qəhrəmanları məşhur döyüş ustası və aktyor Brüs Linin qüsursuz bənzəri olan Əfqanıstan vətəndaşı Abbas Əlizadə ilə yanaşı, aktyorlar İlkin Misgərli, Rüfət Nəzər, meyxana ifaçısı Oqtay Kamil, o cümlədən filmin baş prodüseri Sarvan Allahverdiyev, quruluşçu rejissoru və ssenari müəllifi Nicat Rzazadə və başqaları iştirak ediblər. Pərəstişkarları ilə görüşən filmin qəhrəmanları onlarla şəkil çəkdirib və birlikdə filmi izləyiblər.
Akademik Milli Dram Teatrında Məhluqə Sadıqova anılacaq
Mayın 19 – da Akademik Milli Dram Teatrında görkəmli teatr və kinoxadimi, xalq artisti Məhluqə Sadıqovanın xatirə tədbiri keçiriləcək. Teatrın mətbuat katibi Cavid Zeynallının “Olaylar” – a verdiyi məlumata görə, tədbir Mədəniyyət və Turizm Nazirliyi, Azərbaycan Teatr Xadimləri İttifaqı və Akademik Milli Dram Teatrının təşkilatçılığı ilə baş tutacaq. Xatirə gecəsində Məhluqə Sadıqovanın Azərbaycan teatr və kinosunun inkişafındakı xidmətlərindən danışılacaq, onun yaratdığı obrazlar qalereyasına nəzər salınacaq.
