Mədəniyyət
Heydər Əliyev Mərkəzi CNN-in tərtib etdiyi dünyanın 10 ən heyranedici mədəni məkanı sırasında
CNN dünyanın heyranedici mədəni məkanları haqqında yazı və fotolar təqdim edib. Dünyanın 10 ən heyranedici mədəni məkanı siyahısına Heydər Əliyev Mərkəzi də daxil edilib.
.jpg)
“Hacı Qara”- da yeniliklər olacaq
Noyabrın 9 – da Azərbaycan Dövlət Musiqili Teatrında 108-ci mövsümün növbəti premyerası olacaq. Teatrın Mətbuat xidmətindən Olaylar.az – a bildirilib ki, dahi Mirzə Fətəli Axundzadənin “Hacı Qara” iki hissəli komediyası nümayiş olunacaq. Meydan üslubunda hazırlanan və bir sıra yeniliklərlə zəngin olan tamaşanın quruluşçu rejissoru Əməkdar artisti Loğman Kərimovdur. Rəqslərin quruluşu Hüseyn Əliliyə məxsusdur.
Beynəlxalq Muğam Mərkəzində Zakir Mirzəyevin yaradıcılıq gecəsi
Beynəlxalq Muğam Mərkəzində Əməkdar artist, tanınmış qarmon ifaçısı Zakir Mirzəyevin yaradıcılıq gecəsi keçirilib. Olaylar.az bildirir ki, Mədəniyyət və Turizm Nazirliyinin dəstəyi ilə Beynəlxalq Muğam Mərkəzinin və “Mədəniyyət” kanalının birgə layihəsi çərçivəsində keçirilən tədbir Zakir Mirzəyevin ifasında müəllifi olduğu “Muğam və rəqs” əsərinin səslənməsi ilə başlanıb.
Azərbaycan telekanalında HƏYƏCANLI AN: canlı efirdə asıldı
Dünən Zaurun aparıcılığını etdiyi "5/5" verilişi həyəcanlı anlara səhnə olub. Aparıcı canlı yayıma Kamandar adlı pəhləvanı dəvət edib. Onun dırnaqlarındakı qurğu diqqətdən qaçmayıb. Canlı yayımda ilk dəfə olaraq dırnağından asılacağını deyən pəhləvanın sözləri studiyadakı qonaqları qorxudub. Müğənni Gülay sözügedən prosesi izləyə bilməyəcəyini öncədən bildirib.
Azərbaycanın İrandakı səfirliyindən AMEA - ya hədiyyə
Azərbaycan Respublikasının İran İslam Respublikasındakı Səfirliyindən AMEA Mərkəzi Elmi Kitabxanasına kitablar hədiyyə edilib. Kitabları MEK-ə Azərbaycanın İrandakı Fövqəladə və Səlahiyyətli səfiri cənab Bünyad Hüseynov təqdim edib. Olaylar.az bildirir ki, qədim, orta əsrlər və müasir dövr İranının tarixi, arxitekturası, ədəbiyyatı və incəsənətini əks etdirən ədəbiyyat siyahısına həmçinin, İran türklərinin qədim və zəngin tarixini, habelə Cənubi Azərbaycan və çağdaş Azərbaycan Respublikasının siyasi həqiqətlərini əks etdirən materiallar da daxildir.
"Avroviziya -2018"in iştirakçılarının siyahısı bəlli oldu
"Avroviziya -2018"in Portuqaliyadan olan təşkilatçıları Azərbaycanın da daxil olduğu 42 ölkədən ibarət müsabiqə iştirakçılarının siyahısını açıqlayıb. Məlumata görə, siyahı müsabiqənin rəsmi saytında dərc olunub. Saytda həmçinin müsabiqənin dəniz balıqqulağını xatırladan loqotipi və "Hamı göyərtəyə!" adlı rəsmi şüarı təqdim edilib.
Mosul kitabxanalarına kitablar göndəriləcək
İraq Respublikasının Azərbaycandakı səfirliyinin üçüncü katibi Enas Abdul Kadhim Mohammed Al-Khazraji AMEA Mərkəzi Elmi Kitabxanasının direktoru Leyla İmanova ilə görüşüb. Olaylar.az bildirir ki, görüş zamanı diplomat İraqın Mosul şəhərinin İŞİD terror təşkilatı tərəfindən dağıdılmasından, o cümlədən 2014-cü ildə buradakı ən böyük kitabxanaların yandırılmasından söz açıb. Mosul Universiteti Kitabxanasının, Ninəva Milli Muzeyi kitabxanasının, Ninəva Yerli Admnistrasiyası Milli Kitabxanasının yandırıldığını deyən üçüncü katib işğaldan azad olunmuş Mosul şəhərindəki kitabxanalara kitablar topladıqlarını açıqlayıb. Onun sözlərinə görə kitab toplanılması prosesi İraq Respublikası Nümayəndələr Palatası Mədəniyyət və Mətbuat Komitəsinin qərarı ilə başlayıb. E.Al-Khazraji həm ölkə daxilindən, həm də səfirliklər vasitəsilə xarici ölkələrdən kitablar topladıqlarını söyləyib.
Filmə həyat verən düha
Hər bir istedada, sənətkara onun yaşadığı, böyüdüyü mühitin çox böyük təsiri olur. Emin Sabitoğlu elə bir bəstəkardır ki, onun həyatı daim ədəbiyyat adamlarının, musiqiçilərin əhatəsində keçmişdir. Atasının sayəsində bir çox şair və yazıçıları daha uşaq yaşda tanımış, onların yaradıcılıqlarını o yaşlardan dərk etməyə başlamışdır. Bu təbii ki, gələcəkdə onun da yaradıcılığına öz müsbət təsirini göstərmişdir. Gözəl musiqi duyumuna və qabiliyyətinə malik bəstəkar Emin Sabitoğlu Azərbaycan kinofilminə böyük töhfələr vermiş, onu hər cəhətdən zənginləşdirmişdir. Film çox gözəl olsa da, mənim fikrimcə, musiqisiz heç nədir. Deməli, Emin bəy kinofilmə musiqi bəstələyərkən onu sadəcə zənginləşdirmir, həmçinin onun bir çox çatışmayan cəhətlərini tamamlayır.
Tarkana Azərbaycandan 1,5 milyon dollarlıq TƏKLİF
Türkiyəli müğənni Tarkana Bakıdan yeni konsert təklifi gəlib. Bu il "10" albomu, konsertləri və reklam müqavilələri ilə 50 milyon lirə (təxminən 25 milyon manat) qazanan sənətçi Yeni il üçün təkliflər almağa başlayıb. Belə ki, "Meqastar"a Kiprdəki bir oteldən 3 milyon lirəlik (təxminən 1,5 milyon manat), Azərbaycandan isə 1,5 milyon dollarlıq təklif gəlib. Yeni illə bağlı Bakıdakı təşkilatçılıq şirkətlərindən birindən təklif alan Tarkanın cavabının nə olduğu hələ bəlli deyil.
.jpg)
Molla Pənah Vaqifin 300 illiyi qeyd olundu
Azərbaycan Respublikasının Prezidenti İlham Əliyevin 12 yanvar 2017-ci il tarixli sərəncamına müvafiq olaraq Mədəniyyət və İncəsənət Universitetində Molla Pənah Vaqifin (1717-1797) anadan olmasının 300 illiyinə həsr olunmuş “Molla Pənah Vaqifin yaradıcılığı filoloji kontekstdə” adlı tədbir keçirilib. Teatr sənəti fakültəsi tələbələrinin iştirak etdiyi tədbirdə universitetin prorektoru, “Ədəbiyyat və dillər” kafedrasının professoru Gülşən Əliyeva XVIII əsr Azərbaycan şairi, siyasi və ictimai xadim Molla Pənah Vaqifin Azərbaycan ədəbiyyatında tutduğu mühüm mövqeyindən danışıb, onu yüksək bəşəri hisslər, zövqlər və ideyalar şairi kimi xarakterizə edib.
Vahid Əziz oxucuları ilə görüşdü
Noyabrın 7-də Mədəniyyət və Turizm Baş İdarəsinin təşkilatçılığı ilə Səbail rayon MKS-nin 1 saylı filialında Azərbaycan Yazıçılar Birliyinin üzvü, tərcüməçi, şair Vahid Əzizlə görüş keçirilib. Olaylar.az bildirir ki, görüşdə Türkiyə Bakı Böyükelçilik Kültür və Tanıtma müşavirinin müavini Adəm Kələş, Baş İdarənin əməkdaşı Sücayət Piriyeva, Səbail rayon MKS-nin direktoru Nüşabə Ələkbərova, Azərbaycan Rəssamlar İttifaqının üzvləri Elnarə və Aygün İsgəndərovalar və oxucular iştirak ediblər.
Gənc Tamaşaçılarda “Hörümçək adam”
Azərbaycan Dövlət Gənc Tamaşaçılar Teatrında yeni tamaşa hazırlanır. Olaylar.az bildirir ki, kollektiv 2018-ci ilin tətil günlərində kiçik yaşlı tamaşaçılar üçün Sten Linin “Hörümçək adam “ tamaşasını hazırlayır. “ İnanıram ki, digər tamaşalarımız kimi bu tamaşa da bizim kiçik yaşlı tamaşaçılarımızda böyük maraqğa səbəb olacaq. Onlar hər il olduğu kimi bayram ovqatlarına xüsusi rəng qatan ADGTT-dan yüksək əhval ruhiyyə ilə gedəcəklər. Hesab edirəm ki, tamaşa həm uşaqlar həm də böyüklərə gözəl bayram hədiyyəsi olaraq onların sevincinə sevinc qatacaq”- deyə, teatrın direktoru, Əməkdar incəsənət xadimi Mübariz Həmidov bildirib.
50-dən çox sənədli filmin ssenarisi təqdim edilib - MÜSABİQƏ
Azərbaycan Respublikası Kinematoqrafçılar İttifaqının “Zaman və Məkan” adlı qısametrajlı sənədli filmlər üçün elan etdiyi ssenari müsabiqəsi başa çatıb. Kinematoqrafçılar İttifaqından Olaylar.az - a verilən məlumata görə, müsabiqəyə 50-dən yuxarı sənədli filmin ssenarisi təqdim edilib. Müsabiqə şərtlərinə uyğun ssenarilər münsiflər heyəti tərəfindən qiymətləndiriləcək. Əvvəlcədən adları məxfi saxlanılan münsiflər bütün ssenariləri qiymətləndirdikdən sonra qaliblərin adlarını açıqlayacaq.
Bayrağımız qürurumuzdur
Noyabrın 8 – də Mədəniyyət və Turizm Nazirliyinin, Rəsm Qalereyasının, Xətai Rayon İcra Hakimiyyətinin və Xətai Sənət Mərkəzinin təşkilatçılığı ilə Xətai Rayonu Heydər Əliyev Parkında “Bayrağımız qürurumuzdur!” adlı asfalt üzərində rəsm aksiyası və gənc rəssamların pleneri keçiriləcək. Olaylar.az bildirir ki, tədbir Azərbaycan Dövlət Bayrağına sevgi və ehtiram hisslərinin tərənnüm olunması, bayrağımızın milli qürur mənbəyi kimi tanıdılması məqsədi ilə həyata keçirilir.
Park Cinemada Tünzalə Ağayeva ilə ulduzlu nümayiş
Park Cinema kinoteatrlar şəbəkəsi və ADDIM Gənclər Təşkilatı Cinemaya Addımla layihəsinə yenidən start verdi. Kinoteatrlarda film izləmə ənənəsi və mədəniyyətinin təbliği məqsədi ilə həyata keçirilən “ParkCinemaya ADDIM-la” adlı layihəsinin yeni sezonda ilk qonağı əməkdar artist Tünzalə Ağayeva olub. Olaylar.az bildirir ki, layihə çərçivəsində müğənni gənclərlə bərabər rejissor Kennet Branın məhşur dedektiv yazar Aqata Kristinin eyni adlı əsərinin motivləri əsasında çəkdiyi " Şərq ekspresində qətl" filminə baxıblar. Nümayişdə media nümayəndələri, Addım Gənclər təşkilatının üzvləri və Tünzalənin fan klubunun fəal üzvləri iştirak ediblər.