Xəstəxanadan Muxtar Maniyevin səhhəti ilə bağlı son xəbər

Xeyli müddətdir xəstə yatan xalq artisti Muxtar Maniyevdən xəbər var. Akademik M.A.Topçubaşov adına Elmi-Cərrahiyə Mərkəzinin həkimi Elmira Cəfərova SİA-ya açıqlama verərək aktyorun vəziyyətinin yaxşı olduğunu söyləyib: "Xalq artisti hazırda xəstəxanamızın reanimasiya şöbəsindədir. Səhhəti stabildir. Özünü yaxşı hiss edir. Huşu aydındır. Müalicəsi davam etdirilir. Bir neçə gündən sonra evə buraxılacaq. Muxtar Maniyevin səhhətində hər şey yaxşılığa doğru gedir".

Qeyd edək ki, martın 15-də M.Maniyev sağ ayağının diz nahiyyəsindən amputasiya olunub.