Ötən gün "O Səs Türkiyə" yarışmasının finalı olub. Yarışmanın qalibi Gökhan və Hakan Özoğuzların komandasından olan Emre Sertkaya olub. İkinci yeri isə Hadisənin şagirdi Aziz Kiraz tutub. Hər il olduğu kimi bu ildə yarışın birincisi üçün albom hazırlanacaq. Bundan başqa Emre son model bir maşına da sahib olub. 

Qalib gəncin ifası

Bundan öncəki mövsümün qalibi olan Azərbaycan ifaçısı Elnur Hüseynov da "O səs Türkiyə"müsabiqəsinin final gecəsində iştirak edib. Elnur Hüseynov gecədə "Hour of the Wolf" mahnısını ifa edib. "O səs Türkiyə"nin münsif kürsüsündə Ebru Gündeş, Hadisə, Murat Boz, Gökhan və Hakan Özoğuz yer alıb.


Elnur Hüseynov - "Hour of the Wolf"


Azərbaycandan olan ifaçılar "O səs Türkiyə" yarışmasına kifayət qədər böyük maraq göstərirlər. Ötən mövsümünün qalibi azərbaycanlı müğənni Elnur Hüseynov olub. O, Ebru Gündeşin komandasında mübarizə aparıb. 


Elnur Hüseynovun "O Səs Türkiyə"dəki ifası

Bu mövsümdə də müsabiqədə iştirak edən azərbaycanlılar arasında ən yadda qalan Leyla Rəhimova, "Nəğd pul" qrupu və başqaları olub.