Azərbaycanlılardan ibarət cinayətkar dəstə tutulub

Kiyevdə azərbaycanlılardan ibarət mütəşəkkil cinayətkar dəstə tutulub.  4 nəfərdən ibarət dəstə Kiyevdə avtomobil oğurluğu ilə məşğul imiş.  İlkin araşdırma zamanı məlum olub ki, azərbaycanlılar ilin əvvəlindən bu yana 8 avtomobil oğurlayıblar. Onlar oğurladıqları maşınları əvvəlcədən hazırladıqları qaraj gətirir, sonra isə ehtiyat hissələrinə çevirərək qara bazarda satırmışlar. Ukrayna DİN-in sözçüsü Xatiya Dekanoidzenin verdiyi məlumata görə, axtarış zamanı azərbaycanlılara məxsus qarajda hələ ehtiyat hissələrə çevrilməmiş 4 avtomobil aşkarlanıb.