Gürcüstanda nazirlərin maaşı azaldıldı

Gürcüstanda nazirlərin maaşları azaldılıb. Müvafiq sərəncamı "Rosbalt"ın verdiyi məlumata görə, baş nazir İrakli Qaribaşvili imzalayıb. Gürcü nazirlər bundan sonra hər ay 3.6 yox, 3 min dollar məvacib alacaqlar. Gürcüstan Nazirlər Kabinetini qərarı gürcü cəmiyyətinin məmurların sosial-maddi təminatı məsələsinə münasibəti ilə izah edib. Son vaxtlarda insanlar arasında nazirlərin dəbdəbəli həyatı ilə bağlı şayiələr genişlənib. Hökumət sadəcə bunu nəzərə almaqla belə bir addım atıb. ("OLAYLAR" İA)