Balotelli cəzalandırılacaq - Pepe ilə forma dəyişdirdiyinə görə

Çempionlar Liqasında Madrid "Real"ına böyük hesabla uduzan "Liverpul"un baş məşqçisi Brendan Rocers komandanın qol ümidi sayılan Mario Balotellini cəzalandıracaq. Lent.az-ın məlumatına görə, bu, "Supermario"nun zəif çıxışı və ya qol vura bilməməsi ilə bağlı deyil. Məsələ burasındadır ki, "Real"a qarşı 45 dəqiqə oynayan Balotelli fasilədə formasını rəqib müdafiəçi Pepe ilə dəyişdirib. Bundan xəbər tutan "Liverpul"un çalışdırıcısı Rocers isə bərk qəzəblənib. Şimali irlandiyalı məşqçi mətbuata açıqlamasında Balotellini cəzalandıracağını bildirib.