Uilşir yenə zədələndi

"Arsenal" klubunun yarımmüdafiəçisi Cek Uilşir yenidən zədələnib. Qol.Az-ın Britaniya mətbuatına istinadən verdiyi məlumata görə, ingilis futbolçu Çempionlar Liqasının qrup mərhələsində "Borussiya" (Dortmund) klubu ilə səfər matçında (0:2) zədə alıb. Topuğundan zədələnən gənc futbolçunun hansı müddətə sıradan çıxdığı hələlik məlum deyil.

Qeyd edək ki, Uilşir topuğundan aldığı zədə səbəbindən karyerası ərzində 17 ay yaşıl meydanlardan kənarda qalıb.